Back to All Events

Morgunverðarfundur | Aðgengi að menningu fyrir fatlað fólk

  • Gerðuberg 3 Gerduberg Reykjavík Iceland (map)
fb-cover-morgunverdar.jpg

Dagsetning: 18. október

Tímasetning: 9:30-10:30

Staðsetning: Gerðuberg

Aðgengi: Grænt. Aðgengi er gott.

List án landamæra býður stjórnendum og skipuleggjendum menningarviðburða á morgunverðarfund föstudaginn 18. október kl. 9:30 í Bergi í Gerðubergi. Yfirskrift fundarins er Aðgengi að menningu fyrir fatlað fólk. Fluttar verða þrjár hugvekjur en auk þess mun hátíðin leggja fram gátlista sem skipuleggjendur ættu að geta stuðst við til að auka aðgengi. Boðið verður uppá morgunmat en nauðsynlegt er að skrá sig til þátttöku á fundinum með því að senda póst með titlinum Morgunverðarfundur á netfangið info@listin.is

Eftirfarandi aðilar flytja hugvekjur:

  • Gísli Björnsson og Ragnar Smárason, verkefnastjórar Jafnrétti fyrir alla, verða fundarstjórar og hefja fundinn með innleggi.

  • Friðrik Friðriksson, framkvæmdarstjóri Sjálfstæðu leikhúsanna, segir frá vorþingi alþjóðlegu sviðslistasamtakana IETM þar sem þemað var inngilding, fjölbreytni og jafnrétti.

  • Margrét M. Norðdahl, myndlistarkona og kennari, flytur hugvekjuna: Inngildandi listheimur - ákvörðun sem við þurfum að taka

  • Kristín Björnsdóttir, prófessor í fötlunarfræði við Háskóla Íslands, fjallar um algilda hönnun, inngildandi listsköpun og aðgengi að listasöfnum

  • Meðlimir í Aðgengishópnum muna flytja erindi um aðgengilegan listheim út frá sinni eigin reynslu.

List án landamæra er listahátíð sem leggur áherslu á list fatlaðra listamanna. Tilgangur hátíðarinnar er að auka menningarlegt jafnrétti fyrir fatlaða listamenn. Eitt af markmiðum hátíðarinnar árin 2019 - 2021 er að auka samtal við stjórnendur og skipuleggjendur í listheiminum með það fyrir sjónum að auka aðgengi fatlaðra listamanna að listheiminum.

Aðgengisviðmið:

Grænt aðgengi: Aðgengi er gott. Skábrautir eru við þröskulda, lyftur á milli hæða, aðgengilegt salerni og blátt bílastæði nálægt húsi.

Gult aðgengi: Aðgengi er sæmilegt, ekki er aðgengilegt salerni á staðnum, blátt bílastæði er ekki nálægt húsi.

Rautt aðgengi: Sýningarrýmið er óaðgengilegt fyrir fólk með hreyfihömlun.

Earlier Event: October 16
Ritlistasmiðja fyrir fatlaða listamenn
Later Event: October 19
Lokatónleikar