listvinnzlan

listhópur hátíðarinnar 2026

Listvinnzlan er fjölbreyttur hópur listafólks, sem stundar faglega listsköpun. Fjöldi verka eftir meðlimi Listvinnzlunnar verður á samsýningunni Furðufuglar á hugarflugi, sem opnar í Gerðubergi laugardaginn 10. október nk. og stendur til 6. nóvember. Sýningarstjórarnir, Kolbeinn Jón Magnússon og Elín Sigríður María Ólafsdóttir, eru einnig úr röðum Listvinnzlunnar. Þetta er í fyrsta sinn sem fatlað listafólk sér alfarið um sýningarstjórn á sýningu Listar án landamæra.

Listvinnzlan var stofnuð árið 2022 af Margréti M. Norðdahl en byggir á áralangri reynslu. Þar vinnur listafólk að eigin verkum með ólíka miðla og efnivið, meðal annars; teikningu, málverk, skúlptúr, myndasögur, kvikmyndalist og gjörninga. Í Listvinnzlunni fær fólk rými til að þróa eigin listræna rödd og koma verkum sínum á framfæri með sýningum, samstarfsverkefnum og öðrum listviðburðum. Mörg úr hópnum hafa áður sýnt á List án landamæra, og í honum eru einnig nokkrar fyrrverandi listamanneskjur hátíðarinnar.

Á Listahátíð í Reykjavík fyrr á árinu hélt Listvinnzlan sýninguna Óm í Listasafni Samúels í Selárdal. Þar voru sýnd ný verk sem unnin voru í samtali við verk Samúels Jónssonar og einstakan höggmyndagarð hans. Stefnt er að því að sýningin lifi áfram í einhverri mynd á hátíð Listar án landamæra í ár.

Á fáum árum hefur Listvinnzlan vaxið ört og er orðin mikilvægur vettvangur listafólks á Íslandi. Hún er meira en vinnustofa. Hún er lifandi listasamfélag þar sem fólk mótar eigin feril á eigin forsendum. Innan Listvinnzlunnar fær listafólk stuðning til að vaxa inn í þau hlutverk sem það kýs sér, til dæmis sem ráðgjafar, kennarar eða sýningarstjórar, líkt og Elín og Kolbeinn gera nú. Meirihluti starfsfólks og kennara er sjálft fatlað fólk. Þannig breytir Listvinnzlan ekki aðeins því hver fær að skapa list, heldur líka því hver velur, kennir og miðlar. Það skiptir máli fyrir íslenskt samfélag, því lista- og menningarlíf sem endurspeglar okkur öll er ríkara, fjölbreyttara og sannara.

Til hamingju Listvinnzlan — Listhópur hátíðarinnar 2026!

Listvinnzluteymið, listafólk, starfsfólk, stjórn og kennarar:

Andrea Elizabeth Gavern

Atli Már Haraldsson

Atli Már Indriðason

Benedikta M.B. Rostan

Elín Fanney Ólafsdóttir

Elín Jónasdóttir

Elín Sigríður María Ólafsdóttir

Esmeralda Lísa Sveinbjörnsdóttir

Frida Adriana Martins

Gígja Garðarsdóttir

Guðmundur Stefán Guðmundsson 

Gunnar Már Pálsson

Harpa Rut Elísdóttir

Helga Matthildur Viðarsdóttir

Hjördís Árnadóttir

Ingi Rúnar Kjartansson       

Ingimar Azzad Torossian

Ísak Óli Sævarsson

Kári Hrafn Jónsson

Katrín Guðrún Tryggvadóttir

Kolbeinn Jón Magnússon

Kristján B.T.B. Rostan

Lee Lorenzo Lynch

Lilja Dögg Birgisdóttir

Luiza Katarzyna Kierzsk

Magnús Orri Arnarson

Margrét M. Norðdahl

Óskar Theódórsson

Sigga Björg Sigurðaróttir

Sóldís Þorsteinsdóttir

Úlfhildur G. Einarsdóttir

Veronica M. Jarosz

Þorvaldur Arnar Guðmundsson

Þórir Gunnarsson