Efnisyfirlit

• Skipulag hátíðar

• List án landamæra á landinu öllu

• Alþjóðasamstarf

• Markmið 2024-2026

• Stjórn

• Vilt þú taka þátt?

Um hátíðina

List án landamæra er listahátíð sem leggur áherslu á list fatlaðs fólks. Hátíðin var fyrst haldin árið 2003 á Evrópuári fatlaðra og hefur verið haldin árlega síðan. Hátíðin sýnir öll listform og stendur fyrir samstarfi á milli listamanna. Hátíðin er eini vettvangurinn á Íslandi sem leggur alfarið áherslu á listsköpun fatlaðs listafólks og hefur skapað sér sérstöðu innan menningarlífsins á Íslandi. Æ fleiri verða meðvitaðir um gildi hátíðarinnar í samfélaginu. Með því að skapa vettvang skapast tækifæri og leiðir opnast, jafnvel inn á nýjar brautir. Með því að leiða saman ólíka hópa og einstaklinga opnast alltaf fleiri og fleiri dyr og tækifæri. Sýnileiki ólíkra einstaklinga er mikilvægur, bæði í samfélaginu og í samfélagsumræðunni. Sýnileiki hefur bein áhrif á jafnrétti á öllum sviðum.

Hátíðin hefur stuðlað að samstarfi á milli ólíkra hópa og m.a. verið í samstarfi við listasöfn, starfandi listafólk, leikhópa og tónlistarfólk. Hátíðin hefur einnig stuðlað að umræðu um ímynd fatlaðra listamanna í listum og list fatlaðra m.a. í samvinnu við Háskóla Íslands, Þjóðminjasafnið og Norræna húsið. List án landamæra leggur áherslu á að list fatlaðs listafólks sé metin til jafns innan listheimsins og list ófatlaðs listafólks.

List án landamæra hlaut Múrbrjót Þroskahjálpar árið 2009 og var tilnefnd til Hvatningaverðlauna ÖBÍ árið 2011. Árið 2012 fékk List án landamæra Mannréttindaverðlaun Reykjavíkurborgar.

Hátíðin er haldin á afmörkuðum tíma að hausti. Á dagskrá hátíðarinnar eru allar listgreinar. Listrænn stjórnandi ákveður hvaða viðburðir og sýningar verða á dagskrá en það er alltaf velkomið að hafa samband og óska eftir því að vera með. Það má senda tölvupóst, skilaboð á facebook eða hringja og segja frá þinni hugmynd.

Árlega er auglýst eftir listamannsekju og listhóp hátíðarinnar. Hver sem er tilnefnt listafólk og það má tilnefna sjálfan sig. Listafólkið getur komið úr hvaða listgrein sem er. Þau sem eru valin fá sérstakan heiðurssess á hátíðinni.

Stundum er líka opið kall eftir listaverkum og hugmyndum. Fylgist með hér á vefnum og á samfélagsmiðlum og ekki hika við að hafa samband!

Alþjóðlegt samstarf er mjög mikilvægt, ekki bara fyrir hátíðin sjálfa, heldur einnig fyrir listasenuna og listamenn hérlendis. Mikilvægur hluti listræns sköpunarferlis er að sjá list eftir aðra listamenn og kynna sér það sem er í gangi í öðrum löndum. Einnig er mikilvægt fyrir íslenska listamenn að fá tækifæri til þess að taka þátt í verkefnum og sýningum erlendis. Því hefur List án landamæra lagt ríka áherslu á að taka bæði þátt í alþjóðlegum samstarfsverkefnum og standa fyrir þeim.

Undanfarin ár hefur hátíðin tekið þátt í fleiri og fleiri alþjóðlegum samstarfsverkefnum. Hér eru hlekkir á nokkur dæmi (ekki tæmandi listi!):

2023 -

Heimsókn DragSyndrome til Íslands

Brot af annarskonar þekkingu, myndlistarsýning á Nýlistasafninu í samstarfi við MeetFactory í Tékklandi

2022 -

För eftir ferð, myndlistarsýning á Gerðarsafni í samstarfi við tékknesku vinnustofuna Barvolam

Let me hear you footprints í MeetFactory í Tékklandi

2018 -

Out by Art, verkefni sem hafði það að tilgangi að auka þátttöku fatlaðra listamanna í videolist. Videoverkin sem unnin voru í verkefninu voru frumsýnd á Nýlistasafninu í Svíþjóð vorið 2018 og hafa síðan þá verið sýnd víða um heim. Hátíðin tók einnig þátt í verkefninu Open Minds Network og er samstarfsaðili í verkefninu.

Hátíðin hefur einnig boðið erlendum listamönnum og hópum að sýna á hátíðinni og má þar nefna Share Music frá Svíþjóð, finnska danshópinn Kaaos Kompany sem sérhæfir sig í samstarfi á milli fatlaðra og ófatlaðra dansara og finnska ljósmyndahópinn Pekka Elomaa & Lyhti Ensemble.

Í upphafi árs 2024 tók stjórn hátíðarinnar stefnumótunarfund og endurnýjaði markmið sín til ársins 2026.

Ný markmið 2024-2026

• Að skapa faglegan vettvang fyrir fatlað listafólk, með sérstaka áherslu á þær listgreinar þar sem mest er þörf á uppliftingu

• Að styrkja og dýpka samstarf

  • Við fatlað listafólk í grasrótinni, innan og utan höfuðborgarsvæðisins

  • Á milli ófatlaðs og fatlaðs listafólks

  • Við menntastofnanir, þrýsta á aukin menntatækifæri fyrir fatlað listafólk

  • Við stjórnendur menningarstofnana að auka inngildingu

  • Á alþjóðavettvangi, koma íslensku listafólki á framfæri erlendis og bjóða erlendu listafólki í heimsókn

• Að auka fjármagn með það að markmiði að

  • Styðja vel við starfsfólk

  • Borga listafólki laun

  • Greiða niður efniskostnað

  • Koma starfsemi hátíðarinnar í fast húsnæði

Stjórn List án landamæra, listrænn stjórnandi og framkvæmdarstjóri leggja metnað í að ná öllum þessum markmiðum til þess að hátíðin geti vaxið og dafnað enn frekar.